Print

Jólakortin 2016 komin í dreifingu

Jólakortin okkar eru komin í viðamikla dreifingu og eiga vonandi eftir að seljast vel. Samkeppnin er samt mikil svo það ríður á að minna alla í kringum okkur á að kaupa jólakort.

Þau eru til sölu á öllum þeim stöðum sem hafa verið með þau í sölu hingað til, en einnig í öllum helstu lyfjaverslunum og apotekum auk heilsuhúsa. Þá hafa öll pósthús á landinu tekið þau í sölu og skemmtileg nýjung er í að kortin verða til sölu í öllum vélum Icelandair, þar sem farþegar geta drepið tímann við að skrifa á jólakort!

jolahvittjolakrautt

Print

Nýja stjórnin

ny stjorn

Hér er nýja stjórnin sem kjörin var á aðalfundinum í maí.  Guðrún Ólafsdóttir er formaður, en aðrar í stjórn munu skipta með sér verkum. Þær eru: Birna Pálsdóttir sem vantar á myndina, Bryndís Guðmundsdóttir, Guðmunda Jónsdóttir,  Íris Sigurdardottir, Jenny Forberg og Margrét Halldorsdottir 

Print

Starfið framundan til jóla

Þá leggjum við af stað á ný:

images 2

Tíminn flýgur áfram og nú er komið að hauststarfinu hjá okkur.

Fyrsti fundur Svalanna – pökkunarfundurinn – verður  4. október.

Þá pökkum við jólakortunum og við hvetjum allar Svölur til þess að taka ríkan þátt í starfinu með því að taka kort til þess að selja.

Þriðjudaginn 1. nóvember komum við saman til Vinafundar – tökum með okkur vini og eigum góða stund saman.

Jólafundurinn okkar verður svo þriðjdaginn 6. desember.

Við munum senda út tilkynningar um hvern fund fyrir sig í tölvupósti og á Facebook síðunni. Látið okkur endilega vita ef þið fáið ekki póst, - við gætum verið með rangt netfang.

 

Print

Úthlutun úr styrktarsjóði

styrkthegar 2014

Styrkþegar og fulltrúar þeirra ásamt félögum úr Svölunum

Þann 3. júni s.l. veittu Svölurnar 6 styrki úr styrktarsjóð sínum í tilefni af 40 ára afmælisárinu. Styrkirnir voru veittir til MS félagsins, MND félagsins, Rjóðursins, Ljóssins og AHC samtakanna. Einnig var veittur styrkur til fjölskyldu með langveikt barn.

Ein aðalfjáröflun Svalanna er sala jólakorta. Kortin hafa selst vel og eru Svölurnar þakklátar landsmönnum öllum fyrir að kaupa kortin. Allur ágóði af sölunni rennur í styrktarsjóðinn. Svölurnar hvetja landsmenn til að kaupa jólakortin áfram og styrkja þannig gott starf.

Félagið Svölurnar var stofnað 5. maí 1974 og hefur styrkt ótal verkefni, félög og einstaklinga í gegnum tíðina. Í félagið eru allir velkomnir sem eru eða hafa verið starfandi í farþegarýmum flugvéla, hvort sem um er að ræða hjá íslensku flugfélagi eða erlendu. Þeir sem lesa þetta og vilja taka þátt í okkar gefandi starfi í góðum félagsskap geta skráð sig hér á síðunni. Það er nóg pláss í félaginu og verkefnin skemmtileg:)

Hlökkum til að heyra frá ykkur,
Svölurnar